ERASMUS + PROGRAMA

2023/03/02

Elizondoko Lanbide Eskolak Nafarroako bertze hainbat ikastetxeen antzera, Erasmus + mugikortasun programan parte hartu du. Honi helduta, gure ikastetxeko Jaione Perurena irakaslea Lisboan izan da “taldeko egonaldia” modalitateko esperientzia gauzatzen. Nafarroako Lanbide Heziketa ikastetxeetako bertze 7 irakaslerekin batera, Portugaleko Lanbide Heziketa Bereziaren funtzionamendua ezagutzeko asmoz egin dute egonaldia. Bertan, hainbat ikastetxe, fundazio edota hezkuntza arloko entitate pribatuak bisitatu dituzte eta elkarren artean herrialde bakoitzeko sistema eta esperientziak konparatu ere.

Helburu nagusien artean, Portugaleko hezkuntza inklusiboaren testuingurua analizatzea eta instituzioen arteko kooperazioa sustatzea izan dira batik bat.